Touren Berichte Hilfe
Login

Apéro Hällchöpfli 01. Mai

Ä N D L E C H  ! ! - wider es Apéro uf em Hällchöpfli !


Nachdäm di langjährigi Tradition vo üser Sektion zwöi Mou nid het dörfe stattfinde, träffe sech hüt 23 Oberaargouer mit Fröid uf em Chöpfli. 'Ändlech gseh mer is wider'…  'schön, bisch ou wider do' … 'was läbsch ou gäng?'…  Sowohl dr nöj Sektionspresidänt wi ou dr Alt-Presidänt si awäsend, und aui gniesse bi herrlechem Früeligswätter das feine Apéro, wo dr Toni liebevoll organisiert (und ufe treit !) het.

De stige mer ab und löhn is i dr Buechmatt grad no wyter lo verwöhne: d Margrit und ihri tröje Häufer bewirten di jetz total 30 SAC-ler königlech (gäng wi gäng), und bi Spys und Trank wärde volländs no di letschte Nöjikeiten ustuschet und zum Teil ou nöji Plän gschmidet.

Vile härzleche Dank der Seniore-Kommission für dä toll düregfüert Aalass !      
                                                                                                                                                      Annette