E tolli Schy-Tuur uf ene ziemlech unbekannte Gipfu hei mer am schönschte Tag vo dr Wuche chönne mache. Zwar si zerscht no chli Näbufätze umenang gschwiret, aber dr Ufstig dür e Waud oberhaub vo Faltsche bi Rychebach i.K. isch absolut märlihaft gsi: e so vüu Schnee !...
Und uf em letschte Stück dr Grat z düruf und uf em Gipfu hei mer e herrlechi Ussicht gha: Thunersee, Kandertal, Kiental,…
D Abfahrt bi jetz sunnigem Wätter chame chuum beschrybe und ganz sicher nümme toppe, eso ne sydefyne, früsche Pulver !... T R O U M H A F T ! !
Mir danken am Ruedi für dä „nöj“ Bärg im Programm vo de Sunneschyn-Tuure – di 2 x 5 Teilnämer wärde dr hüttig Tag ni so schnäu vergässe.
Annette
⇐
