S Sarntal kenne wahrschinlech die wenigschten Oberaargauer eifach so: es isch das Tal vo Bozen diräkt nördlech, d.h. im Süd-Tirol.
Die Gägend vo den Alpen isch das Johr ganz spärlech ygschneit worde, so dass dr Ruedi no 3 Wuche b …weiterlesen

S Sarntal kenne wahrschinlech die wenigschten Oberaargauer eifach so: es isch das Tal vo Bozen diräkt nördlech, d.h. im Süd-Tirol.
Die Gägend vo den Alpen isch das Johr ganz spärlech ygschneit worde, so dass dr Ruedi no 3 Wuche bevor mer gange si het müessen angscht ha, ob mer die Tuurewuche überhoupt chönne dürefüere….
Mir si ömu du gfahre und hei bereits am erschte Tag e Tuur uf en Astenberg (2376 m) chönne gniesse. Dr Gipfuhang hei mer grad zwöimou gmacht, wüus e so wunderbare Pulverschnee het gha. Nachhär hei mer no 3 schöni Tuuren erläbt bi guetem Wätter und bi fantastische 360° Rundumpanorame, natürlech uf di bekannte Dolomite-Gipfu – aber dr Schnee isch wäge der Wermi gäng weniger worde. Am Fryti isch du e Chautfront übers Gebiet zoge (mir si natürlech trotzdäm usgrückt), aber die het numen es Schüümeli Schnee brocht, so dass mer üs entschiede hei, am Samschti hei z fahre, d.h. ei Tag früecher aus planet.
Mir hei bi dene miggerige Schneeverhältnis s Beschte drus gmacht – und si froh, dass gar nüt negativs passiert isch, nid emou denn, wo mer dür nes riisigs Gebiet vo „Latsche“ düre glatschet si. Nume d Schy hei natürlech e chli glitte.
Mir danken em Ruedi vüumou für die tolli und interessanti Tuurewuche und fröjen üs scho ufs nächschte Johr.
Annette