Söu no öpper säge, dä Winter heig’s praktisch ke Schnee im Bärner Oberland !.... Mindeschtens die wo hüt hei gspuuret, hei gwüsst, was si gleischtet hei ….
Nach emene ganze Tag Niderschleg hei d Meteorologe es churzes Zwüs …weiterlesen

Söu no öpper säge, dä Winter heig’s praktisch ke Schnee im Bärner Oberland !.... Mindeschtens die wo hüt hei gspuuret, hei gwüsst, was si gleischtet hei ….
Nach emene ganze Tag Niderschleg hei d Meteorologe es churzes Zwüschehöch agmäudet, und das het dr Ruedi grad für si Sunneschyntuur usgnützt. Am 8i si mer uf dr Grimmialp furt gloufe, und bis am 9i hei mer strahlendi Sunne gha, und ou nachär isch es eigentlech fründlech blibe und – d Houptsach – bi dr Abfahrt isch es no guet sichtig gsi. Jo ! dä früsch Hammer-Pulver hei mir chönne gniesse! Vor luter Spass a dr Fröid hei di einte d Fäli no einisch ufzoge und si e chli im Wüudgrimmi z düruf, eifach für no e chli dä schöne Schnee z gniesse. Und genau am 1 am Nomittag het’s süüferli afo rägne, wo mer aui 11 scho am Schärme si gsi. Wi het dr eint gseit: „Ruedi, das hesch guet gmacht!“

Text: Annette