Es isch fasch ungloublech, was mir i dere Wuche für nes Glück mit em Wätter hei gha, und fasch trouen i mi nid, so vüu Büudeli mit tiefblauem, makellosem Himmu is Netz ine z stöue! Und doch: es isch haut eso gsi – ömu di erschte …weiterlesen

Es isch fasch ungloublech, was mir i dere Wuche für nes Glück mit em Wätter hei gha, und fasch trouen i mi nid, so vüu Büudeli mit tiefblauem, makellosem Himmu is Netz ine z stöue! Und doch: es isch haut eso gsi – ömu di erschte 5 Tag !
Dr Schnee isch e Wuche, bevor mir acho si, von ere fürchterleche „Bise“ traktiert und gwautig ver-frachtet worde, so dass dr Reinhold und dr Ruedi am Afang die Situation e chli hei müessen abdüüssele, und doch hei mer jede Tag e tolli Tuur chönne mache. Sogar am letschte no, wo dr Näbu du doch no dr Wäg nach Resche gfunge het.
Folgendi Gipfu bzw. Scharte si üsi Zyl gsi:
     - Innerer Nockenkopf 2768 m  (im Rojetal)
     - Glockhauser 3023 m                (im Langtauferertal)
     - Griankopf 2896 m                    (im Rojetal)
     - Scharte 3064 m NW vo Mittlere Lochspitze (Langtauferertal)
     - Falbanairspitze 3200 m           (im Langtauferertal)
Und am letschte Tag si mer a dr Reschenalm verby no chli dür e locker Waud obsi gstige und hei sage und schreibe ou do no es paar Schwüng im Pulver-Schnee chönne zieh.
Vile Dank, Ruedi, für di gäng wi gäng super Organisation – und aune Teilnämer für di tolli Kameradschaft.
Annette