D Dolomite hei offebar es gwüsses Sucht-Potential! – Nachdäms bereits verschideni Schytuure-Wuche dörthäre gäh het, isch hüür e Wanderwuche i däm grossartige, ganz spezielle Gebiet düregfüert worde. Mir si in Toblach im ene w …weiterlesen

D Dolomite hei offebar es gwüsses Sucht-Potential! – Nachdäms bereits verschideni Schytuure-Wuche dörthäre gäh het, isch hüür e Wanderwuche i däm grossartige, ganz spezielle Gebiet düregfüert worde. Mir si in Toblach im ene wunderbare Hotel stationiert gsi und hei vo dört us es paar Gipfu bestige (s Toblacher Pfannhorn 2663 m;  dr Nuvolau 2574 m;  dr Dürrestei 2839 m, nota bene bi winterleche Verhältnis!) und de ou rassigi Höhewanderige gmacht, z.B. e Teil vom Bonacossa-Höhewäg i dr Cadinigruppe, um d Cinque Torri ume gloufe und zum Abschluss no di ganzi Umrundig vo de Drei Zinne. S Wätter het is immerhin tagsüber vo Räge verschont, es isch aber hüüfig rächt füecht und d Gipfu öppe verhange gsi. Aber mir si glych uf üsi Rächnig cho und hei ömu aui en Ydruck übercho, was d Dolomiten äbe si: die sänkrächte, diräkt us em Waud ufsträbende Felse mit ganz ungerschidleche Färbige und Formatione. Di ganzi Gruppe, wo so wunderschön zäme harmoniert het, danket em Ruedi vüumou für di tolli Wuche!
 Annette