Fasch hätte mer e grösseri Kamera bruucht, für aui 17 (!) Teilnämer a dere wunderschöne Sunntschyntuur auf eis Büud z bringe!... (Dr 18. het vorzytig müessen umchehre. Und eine het sech uf em Gipfu du no verschloffe.) Wöu mer so …weiterlesen

Fasch hätte mer e grösseri Kamera bruucht, für aui 17 (!) Teilnämer a dere wunderschöne Sunntschyntuur auf eis Büud z bringe!... (Dr 18. het vorzytig müessen umchehre. Und eine het sech uf em Gipfu du no verschloffe.) Wöu mer so vüu si gsi, si mer i dreine Gruppen ufgstige – Jüngeri und weniger jungi schön dürenang vermischt. Überhoupt isch es erfreulech gsi, wi vüu „nöiji“ Tüüreler i üser Sektion hüt mitcho si!... S Wätter hätt nid besser chönne sy, und der Schnee het aui Erwartigen übertroffe. Offebar isch dr Ammertespitz wytumenang no dr einzig Gipfu, wo me bi der momentane Schneesituation so gäbig cha erreiche: angers chame sech die vile Tüüreler, Bärgfüerer-gruppe und sogar Alpinschuele-Usbüudige nid vorstöue, wo sech a däm Bärg tummlet hei. Nid, dass die Lüt enang gstört hätte – im Gagetöu: es het zu es paarne nätte Begägnige mit aute Bekannte gfüert. Danke, Ruedi, hesch du d Organisation eso fynfüelig düregfüert , dass jede Teilämer voll und ganz uf si Rächnig isch cho.

Annette

Man beachte Foto 1 = nicht nur 2 sondern 3 Gruppen in unterschiedlichen Tempi am Berg